Beu ta tuntut ilme tuhan
Ilmenyan hiasan gata
Karunia nibak tuhan
Sifet insan yang terpuji
Beu ta tuntut urou malam
Kelebihan ilme gata
Beu ta langou misil ikan
Lam lautan mutiara
Beu ta tuntut ilme fiqah
Mangat mudah amalan gata
Di peu tunyok kepada jroh
Nyak ta tuoh pubut taqwa
Nyan keh ilme
yang ek peutrang
Kepada
jalan yang bahagia
Lagee benteng yang peuleupah
Dari pada mara bahaya
Sidrou ureung
malem fiqah
Lom meutamah ngon ware’a
That mudharat ateuh syaitan
Nibak kekal
siribe hamba
(Ta’lim muta’alim
hal. 6-7)
Cinta hate mandum insan
Pangkai manyang dengen segera
Tapi sayang that wahe rakan
Dit than insan yang ek saba
Hawa nafsu hina that-that
Wahe sahbat bek ta peutou
Soe yang galak pada harta
Galak hina urou dudou
(Ta’lim muta’alim
hal. 15)
Wahee rakan yang menuntut
Syarat tabet na nam perkara
Dengou beugot hay teungku cut
Bacut-bacut lon peunyata
Pertama phon beuceuredik
Keu dua ek meulang gata
Teuma kei lheu kesabaran
Keu peut rakan beuna rupiah
Keu limong beu meu teuntei peutunyok guree pateh gata
Tema yang ke nam beu panyang zaman
Nyo goh teumeu bek lee ta gisa
(Ta’lim muta’alim hal. 15)
Bek ta tanyoung sidrou insan
Jih pakiban salah dengen benar
Tapi tanging bak keadaan
Nyata sinan dum perkara
Meunyou jahat
bek ta meu kawan
Peu jioh rijang hay saudara
Meunyou jih got tacok keu kawan
Mudah-mudahan gata bahagia
(Ta’lim muta’alim
hal. 15)
Bek ta meugon ngen si beu o’
Tip-tip urou dan ketika
Ureung yang saleh jeut keu jahat
Ngon sahabat yang celaka
Meu’ek bangai bak yang carong
Cukop that seugera
Ngeu teugoh hu meunan lagei
Roet lam abeu mate sigra
(Ta’lim muta’alim
hal. 16)
Ek di peutou le sunggoh
Barang jioh dari gata
Pinto teurok diboh busou
Leu sunggoh ek bi buka
Sebagian syarat ilme beu ta khadim
beu jeut insan bak ji khadem jih ite’m
(Ta’lim muta’alim
hal. 30)
Beu khadim ilemeu nyan malam dengon urou
Peu keukal dras (belajar) nnen keureuja beut geu pujou
Ilme nyan ta peulihara yang golomna tapeu ase
Urou malam beuna tabacayang golom jeut ulang sabe’
Meunyou hafai gata kajeut
Walau bacut ta ulang-ulang
Ta peu mantap dalam hate
Nyang ka hase bek le goyang
O’h ka mantap bek le goyang
Rijang-rijang ta tuleh le
Ngo na meunan chit ta ulang
Gata seunang lam baca sabe
Meunyou gata han teu lalou
Nyan ka hase lupot hana
Maka gata bagah-bagah
Bak masalah lae’n teuma
Serta na ta ulang-ulang
Yang barou nyan bek ta lupa
Ta usaha beu ek
hase
Leubeh sabe leu that pahla
Peureunou go’p tabi ilme
Bek ta peu bre’ hudep gata
(Bab menjaga
hafalan)
Nb.Boleh di perbanyak
